السلام عليكم ورحمة الله وبركاته
هذا الجزء الثاني من سلسلة خطوات لحياة صحية. اليوم بأتكلم عن الخطوات الإنتقالية من النظام الغذائي القديم للنظام الصحي.
١/ اذا انتي انسانه تحبين الحلويات والشيبسات والمشروبات الغازية فأكيد عندك كمية منهم في غرفتك أو بيتك ... بالعادة اخصائيين التغذية أو المدربين يقولون لكم أرموهم في الزبالة وروحوا اشتروا اشياء صحية ... أنا أعتبر ذا الشي غلط ... يعني أكيد ما شريتيها الا نفسك فيها ورميها في الزبالة ما راح يكرهك فيها وحترجعي تشتريها مره ثانية وثالثة.
أنا انصح انه الخطوة الأولى توقفي تشترين ذا الأشياء والخطوه الثانيه انه تخلصين المخزون الي عندك من الشوكلت والشيبسات والمشروبات الي نفسك فيها ... اذا خلصتي وطلعتي الي في راسك ابدأي بداية جديده وصادقه مع نفسك ... لانه التدرج في الشي هوه مربط الفرس ... يعني حبه حبه وخطوه خطوه ... مو كل شي دفعه وحده. أصلا بيكون شي صعب عليك وحتكرهي كل شي لانه حتحسي نفسك محرومه وهذا الشي غلط. يعني نظام ماشيه عليه من طلعتي ع الدنيا ماراح يتغير في غمضة عين. ولازم تؤمنين أنه الغذاء الصحي هوه نظام حياه تتبعينه طول عمرك. أنا عارفه كثير منكم ينجن من ذا الشي ... وليه أبغى أحرم نفسي من ملذات الدنيا ... بس والله الي يمشي ع نظام الأكل الصحي بيعرف ليه أنا أقول كذا. وعلشان ما تزعلون نقول (٧٠ ٪ صحي وال ٣٠ ٪ خربطوا ع كيفكم) يا شيخه كبداية (نص نص 50% صحي و 50% خربوطي) لأنه في وقتنا ذا أنه تتبع نظام صحي بشكل كامل أصعب من زمان بسبب كثرة الاغراءات الي حولنا ولنفس السبب المفروض نهتم بغذاءنا الحين أكثر من زمان لأن كل شي صار ضار ... يعني كل يوم نسمع ونقرأ خبر أنه شي ناكله ونحبه وكنا نعتقد انه صحي طلع مضر ومسرطن. وتلاحظون الناس بدأت ترجع للأساسيات وهذا الشي الي أشجع عليه ... لأنه كل الشركات الا ماندر منها ماعندهم أمانه ولاضمير همهم الوحيد العائدات الي تجيهم سواء كانت بالصدق أو الغش وهذا ينقلني للخطوة الي بعدها.
٢/ اقرأوا ياعرب أقرأوا ... ياخي أحنا شعب نكره نقرأ مو أنه فقط ما نقرأ ... يعني تروحوا السوبر ماركت وبس خذ وحط في العربية وامش ... طيب اقرأ البلاوي الي موجوده في الأشياء الي قاعد تشتريها ... يعني اذا ماتفكرون في نفسكم فكروا في أطفالكم المساكين الي قاعدين ياكلون ذا السموم الي تروج لها الشركات ع اساس انها اكل صحي. يعني اذا انتوا ماتقرأون وتعرفون ايش فيه أكلكم مين بيعلمكم يعني.
٣/ صغروا كمية أكلكم الي تاكلونه في العاده ... يعني تحبوا تاكلوا مكرونه أو رز أو برقر ... بدل ماتاكلوا كوبين كلوا كوب واحد وبدل ٢ برقر ١.
٤/ الحين تبدأ مرحلة استبدال المنتجات ... يعني ماتقدروا تاكلوا الا بمشروب غازي ... استبدلوه بشي أقل ضرر. مثل آيس تي أو بيره أو عصير (وترا ع فكره ذولي الشيئين مو صحية ومليانه سكر) بس غرضنا نمشي حبه حبه مو نقطع على طول ونطفش. وبعدين ممكن نصير نشرب موية ليمون للناس الي ما تحب تشرب مويه ساده.
٥/ اذا أكلكم كله مايونيز استبدلوه بالزبادي أو جبنة فيتا أو لبنه تعطي نفس النتيجه.
٦/ اذا أنتوا من محبي المكرونه أو الرز وماتقدرون تستغنون عنها استبدلوها بالمكرونه أو الرز الأسمر ... (أنا صراحة ماأحبها بس جربت نوع والحمد لله ع النعمه كان سيء جدا فما أهتميت) بس لا تستسلمون جربوا كم نوع وشوفوا وش يناسبكم.
٧/ الخبز وماأدراك ما الخبر ... المفروض يسمونه الشر الأعظم ماأدري الظاهر يحطون فيه مخدرات قسم بالله ادمان ... هذا هوه الشي الي جابلي ازمه عجزت اقطعه او حتى اقلل منه. حتى لو حولتوا للخبز الأسمر. الأنواع الي عندنا سيئة ويروجون لها ع أساس صحية ولكنها تمشي الحال. ولكن مؤخراً بدأت تظهر عندنا أنواع كويسه.
8/ كثري من شرب المويه. طبعاً القول أسهل من الفعل. لأنه سهل أنه
تنسي تشربي مويه وفجأة يجي آخر اليوم وأنتي ماشربتي إلا كأس واحد. فاطريقه سهلة
تذكرك انه تحملي تطبيق على جوالك اسمه (Daily Water) أو أي تطبيق ثاني يساعدك.
وأعيد وأكرر هاذي الخطوات نفعت لي وناسبتني ومن الممكن ما تكون صحيحة أو دقيقة حسب رأي البعض ولكن to each their own وشكراً.
