اليوم بتكلم عن ساعة بولار الرياضية... هاذي الساعة وظيفتها حساب نبضات القلب وحساب السعرات الحرارية الي تحرقينها وقت التمرين ... أول ماتفتحينها تطلب منك اللغة والوقت والتاريخ ووحدة القياس (الكيلو والسنتيمتر) والوزن والطول والجنس
وفي البوكس يجي مع الساعة حزام ينحط تحت الصدر وفيه حساس الي يجس نبضات قلبك
ويرسلها للساعة وكمان كتيب لكيفية الأستخدام وطريقة التشغيل
طبعا أنا أعتبرها صديقتي الصدوقة لأنها تعطيك معلومات دقيقة أو خلينا نقول أقرب شي للحقيقة. وأعتبرها ممتازه للناس الي
تمارس الرياضة لأنها تعطيك دافع انه تستمرين وتبذلين جهد اكبر علشان تحرقين أكثر. بس أحسها مو دقيقة إذا كنتوا تتمرنون أثقال لانه بعد التمرين انتوا هلكانين بس تشوفون السعرات الي حرقتوها وتتحطمون بس مو معناته انه مابذلت جهد! لا، بس أنه نبضات قلبك ماكنت مرتفعه.
وكمان الشركة هاذي
فيها عشرات الأنواع من الساعات وكل وحده لها هدف معين ... يعني الناس الي رياضتها
الركض فيه لهم نوع معين إلى آخره ... ويختلف السعر حسب الساعه وفيه أنواع تقدم
معلومات أكثر حسب هدفك. وفيه عدة ألوان للموديل الواحد.
الشركة فنلندية
والساعة مصممة في فنلندا ومصنعه من قبل الشركة في الصين. والتغليف يختلف يعني أنا
ساعتي جت في علبه بلاستك وشوفت ناس جتهم في صندوق أسود والحزام يختلف شوي.
موديل ساعتي POLAR FT4 وشريتها من امازون ب ٨٦.٩٥ دولار يعني تقريبا مع الشحن ٣٦٣ ريال. وممكن
تلاقوها ارخص حسب البائع والوقت الي تشتروها فيه لانه بعض الاوقات يسوو عروض او
تخفيضات. وكمان فيه حسابات كثير تبيعها في الانستاقرام
إذا خلصت بطارية الساعة أو الحساس تقدرون تبدلونها من أي كشك أو محل ساعات
ان شاء الله استفدتوا من الموضوع لأنه كنت انسأل عن ذا الساعه كل ماحطيت صورتها على الانستاقرام. اذا عندكم اسأله قولوها في التعليقات وبرد عليكم ان شاء الله.
كيفية الإستخدام
ردحذف