مفضلات يونيو | June Favourites

السلام عليكم ورحمة الله وبركاته :)

بوست اليوم عن مفضلاتي لهذا الشهر, الأشياء الي حبيتها واستفدت منها وابغى أشاركم فيها.

 

# 1

قناع التنظيف العميق للبشرة 3 في 1 من ذا بودي شوب.

يستخدم للبشرة العادية والدهنية بس أنا بشرتي جافة واستخدمه. هدفه هو تنظيف وتقشير وتنقية البشرة عن طريق المكون الموجود فيه الي هوه بودرة الذرة الزرقاء. أنا استخدم فرشة كريم الأساس المسطحة وأفرده فيها على الوجه. أول شئ تبللين بشرتك وتحطينه وتتجنبين منطقة حول العينين والشفايف وتتركينه لمدة 10-15 دقيقة لمين يجف. بعدين تغسلينه بالمويه عن طريق تدليك البشرة وراح يتقشر معك. يستخدم مره لمرتين في الأسبوع بس أنا استخدمه بين كل فتره وفترة لما أحس بشرتي تحتاج تنظيف عميق وأحط بعده مرطب. سعره 48 ريال.

# 2

 مسكرا (they're Real) من بنفت

 جميلة جميلة جميلة. هيه تستخدم لتطويل الرموش وأحسن ميزة فيها والي حتخليني أشتريها مرة ثانية أنه ماتتكتل على الرموش وماتسيح على الجفن. وفرشاتها حلوه وتفرق الرموش وتقدرين تستخدمينها للرموش العلوية والسفلية. وقد سمعت أنه من مكوناتها زيت الخروع. شريتها من وجوه ب 140 ريال. وأنصح بعد تستخدمون عكاصة الرموش (eyelash curler) قبل أي مسكرا لأنه تساعد على تقويس الرموش وفتح العين.

# 3 

قلم كحل بيج من إنجلوت

 استخدمه لداخل العين عشان يفتح العين ويكبرها. وأفضله على الكحل الأبيض. وكمان ثباته حلو. جاني هديه من دبي بس يمكن تلقونه في فروع إنجلوت عندنا بس مو متأكده.

# 4

بودرة الحواجب من ذا بودي شوب

الي عندي رقم 2. وهيه 3 درجات. رقم 2 للي شعرهم بني ودرجاته. هو يجي معه فرشة بس ماعمري استخدمتها. استخدم الفرشة المشطوفة المائلة لأتها تعطيني تحكم ورسمة أفضل. أول ماشريته كنت استخدم اللون الأغمق بس يوم فتحت لون شعري صرت أستخدم اللون الأفتح. وألحين أستخدم اللونين, اللون الفاتح على الحاجب كامل واللون الأغمق على نهاية الحاجب. للأسف ماأذكر السعر.

# 5

شامبو جاف للشعر من باتيست

هذا أنا أعتبره البطل المنقذ في الحالات الصعبة ^_^ أنا طبيعة شعري جاف وفروة راسي دهنية. وبعد ماصبغت شعري صرت أغسل شعري كل 3 ايام تقريبا عشان ماينهلك شعري. وطبعا على اليوم الثاني يبدا الشعر يدهن وعلى اليوم الثالث خلاص الشعر صار حفلة هههههههه. فاهنا يجي وقت هذا البطل. أبخ منه ع فروة الرأس وأدلكة وهو يبدأ يخفي الدهون الظاهرة. طبعا الشامبو الجاف يستخدم في المواقف الاضطرارية مو يوميا. يعني فجأة جتكي عزومه أو مناسبة ومافي وقت تغسلي شعرك. وفيه ناس يستخدمونه عشان يعطيهم حجم للشعر ومايكون ملزق براسك. وله عدة روائح أنا جرت الأصلي وريحته كانت زي البخاخ المثبت ماحبيته وجربت ذا الي برائحة جوز الهند. وعجبني. شريته من صيدلية بوتس ب 32 ريال إذا ماكنت غلطانة وفيه منه حجمين الكبير الي زي حقي وواحد صغير.

كيف تتحدث اللغة الأنجليزية بطلاقة | How to speak English Fluently

السلام عليكم ورحمة الله وبركاته. 

موضوع اليوم يتكلم عن خطوات بسيطة تساعدك على تعلم اللغة الأنجليزية وتحدثها. وعشان أسهل عليكم الفهم بأشبه متعلم اللغة بالطفل الي توه يتعلم اللغة والتحدث. أول شيء الطفل يراقب أهله والناس الي حوله ويقلدهم ويبدأ ينطق مفردات بعدين كلمات وجمل وممكن يكون تركيبها غلط ولكن بعد فتره يتعلم انه في قاعدة يمشي عليها الي هيه فاعل فعل مفعول به وبعدين يتطور للجمل المقعدة. بعدها يتعلم كتابة الحروف والأرقام وبعدين تكوين الجمل ... إلخ.

عندنا في نظام التعليم العكس قاعد يصير. يعني يركزون على الإملاء والقواعد أكثر من التركيز على الفهم والتحدث. ويطلعون شبابنا وبناتنا من المرحلة الثانوية وهما مو قادرين يركبون جملتين على بعض ويكون النطق عندهم معدوم. بأعدد لكم 5 أشياء بتساعدكم بإذن الله على تطوير مهارة التحدث عندكم.

#1 

 خلي قواعد اللغة الإنجليزية على جنب وركزي على مفردات اللغة (vocabulary words)

أساس اللغة هو المفردات. أيش الفائدة من معرفة القواعد من غير المفردات. احفظي قد ماتقدرين وحاولي تكون الكلمات لها علاقة بحياتك اليومية عشان ماتنسينها. برضو حاولي يكون لكل كلمه عندك مقابلها بالأنجلش! يعني مثلا وأنتي منسدحه في غرفتك, ناظري وش فيها... سرير/ لمبه/ دولاب؟ طيب تعرفي مقابلها بالأنجلش؟ تمام. والي ماتعرفي معانيها ابحثي عنها وعن نطقها واحفظيها. أفضل طريقه استخدمي الستيكي نوتس وحطيها جنب مكتبك أو سريرك يعني المكان الي تقعدي فيه دايما واقريها كل يوم عشان ماتنسين! خلي موقع ترجمة قوقل (Google translate) صديقك الصدوق. كل ما طرت على بالك كلمة ابحثي عنها واسمعي نطقها وكرريها واحفظيها.

 #2

طوري لغتك وأكتسبي ثقافة اللغة

أسهل شي هوه تفرجي برامج او أفلام أجنبيه بكثره علشان تتعرفين ع تراكيب الجمل والمصطلحات المستخدمه وما تنسي اللغه. اسمعي بودكاستات وإذاعة اجنبية وتفرجي مقاطع يوتوب. أغمري نفسك باللغة الانجليزية وحولي لغة أجهزتك من عربي لأنجلش. لأننا عايشين في بلد ما يتدحدث اللغة الأنجليزية وما فيه امكانية انك تتكلمين مع (native speaker) وتتعلمين اللغة من مصدرها. في البداية راح تستصعبين الشيء بس بعدين بيصير شيء عادي. اللغه الي قاعدين يعلمونا في الكتب كثير منها مو عمليه ورسميه. ممكن ما تحسي بالفرق ع طول بس عطي نفسك فرصه وفجأة حتلاحظين انك تعرفين كلمات بس ما عمرك تعلمتيها بس مخك خزنها.

#3

المواقف الافتراضية (hypothetical situations)

دائما تخيلي نفسك في مواقف افتراضيه وشوفي تقدرين تكونين محادثه أو لا! مثلا عند الطبيب أو مطعم. إذا لا! فالازم تبدأين تبحثين عن المصطلحات الي ماتعرفينها وتحفظينها وتستخدمينها في جمل مفيدة. وفيه كتاب رائع ممكن تلقونه في جرير أو العبيكان انصحكم فيه وراح يفيدكم جدا في المصطلحات "OXFORD PICTURE DICTIONARY" كبير ولونه أسود. 

#4

لا وألف لاااا  للخوف والحياء

حاولي تسوين قروب مع صديقاتك وتتكلموا انجلش فقط من غير عربي. لانه من خلال هاذي المحادثات الشخصيه حتتحسنين وتطورين نفسك. وتكفين لاتستحين أنك تغلطين او ما تعرفين تردين. "فشله" "أخاف أغلط" "ما أحب أحد يحكم علي" كلها جمل محبطه سمعتها من بنات عشان خايفين الغير يحكم عليهم أو يستهزء فيهم. الواحد عشان يتعلم لازم يجرب مره ومرتين وعشر وراح يغلط مره ومرتين وعشر بس ذا مو معناته أنه تفقدين الأمل وتوقفين وتقولين جربت وما نفع. أجل كيف تتحسنين اذا ما تعرفين اغلاطك ونقاط ضعفك! أذكر وحده من معلماتي في الكليه كانت بريطانيه واذا سمعتني اسولف مع صاحبتي عربي تخليني أعيد السالفه كلها بالانجلش تعرفون أيش معنى علمتني ان الله حق! كل يوم أرجع وعيوني في الدكشنري عشان لو سألتني أعرف أرد.

#5

القراءة كنز

القراءة مو بس تساعدك في معرفة تراكيب الجمل ولكنها تساعدك برضو على الإملاء (spelling) لأنه تعرفين كيف شكل الكلمة مع نطقها. أقرأي وأبدأي بقصص الأطفال ... أنا ماأدري ليش البنات يروحوا ينطوا ع الروايات والقصص الطويله بعدين تصعب عليهم ويطفشوا ويرموا الكتاب. قصص الأطفال هيه الأساس وفيها كلمات ومصطلحات كويسه واساسيه.