روتين العناية الأسبوعي | 2018 Weekly Care Routine

أهلين بنات 

توافقا مع العيد قررت أنزل روتين عنايتي الأسبوعي.

عادة أسوي روتيني يوم الجمعة لأنه يكون يوم خفيف ولطيف 

لأنه إجازة مافيه دراسة أو دوام. 

أول شيء أسويه، أحط زيت جوز الهند على شعري. بما أنه شعري مصبوغ لون فاتح

 فازيت جوز الهند ناسب شعري مره ويعطيه الترطيب الي يحتاجه بدون مايأثر على لونه.

قبل ماأحط الزيت أبخ شعري بمويه وأرطبه بعدين أحط الزيت عشان تمتص الشعرة الزيت.

وأخليه أقل شيء ساعه عبال ماأتروش. Coconut Oil

* الصورة مو تصويري من موقع المرسال

ثاني شيء أصبغ حواجبي بصبغة ريفيكتوسيل (صيدلية النهدي) رهيبه تصبغ الحواجب نفسها

 وشوي من الجلد بس مايطول على الجلد يومين ويختفي.وبعدين أشقر حواجبي بمشقر صيدلية بوتس

 انقطع فترة وألحين رجعوه. قرأت كثير بنات مايمدحون التركيبه الجديدة يقولون تحرق مو زي الي قبل.

 أنا باقي عندي من القديم مابعد جربت الجديد. 

وقت الشور: أستخدم غسول يوسيرين عشان أنظف وجهي وبعدين أستخدم مقشر السكر البني من skin food 

تقشيره حلو لا هو الي خفيف ولا قوي في الوسط.
Eucerin Gentle Hydrating Cleanser

Black Sugar Mask Wash Off

 وأغسل شعري بشامبو عادي (يكون قوي مثل هيد أند شولدرز) عشان يشيل الزيوت بعدين استخدم الشامبو البنفسجي

 عشان يعيد الحيوية واللون للشعر المصبوغ (أشقر).
Clairol Professional Shimmer Lights Shampoo

بعدين أقشر جسمي بمقشر القهوة من frank حطيته في علبه لأنه التغليف حقه الي في الظرف من أسوأ ماجربت.

 مره أحبه يقشر ويرطب الجسم. ولكن من عيوبه أنه يصير في كل مكان في الشاور فايطفش في التنظيف 😃
Original Coffee Scrub

 وعلشان ماابغى ريحتي تكون قهوة، أستخدم بعده غسول جسم لوكس. 

وآخر خطوة نختم فيها الشاور هيه باستخدام حجر الرجل لتقشير حافة القدم لضمان نعومة الرجل.
Earth Therapeutics, Pumice Stick

الخطوة هاذي ممكن اسويها أكثر من مره في الأسبوع حسب الاحتياج.

بعد الشاور لازم يترطب الجسم ومرطبي المفضل هاذي الفترة وكل ماخلص أرجع أشتري منه هو نيفيا بزبدة الكاكاو.

ومزيل رائحة العرق أنا أستخدم مزيل الرائحة من آيهرب إذا بكون قاعدة في البيت وماوراي طلعه لأن مفعوله مايدوم
إذا بتبذلين جهد أو لما تحترين.
Thai Deodorant Stone, Crystal Deodorant Mist

بعدين أستخدم هذا الماسك المرطب من آيهرب مع فرشاة الماسك من سيفورا
Aubrey Organics, Calming Skin Therapy, Hydrating Mask

بعد ماأشيل الماسك أستخدم هذا اللوشن من سيتافيل
Cetaphil, Moisturizing Lotion

آخر خطوة هيه تصفيف الشعر. لما ينشف شعري شوي أبخ عليه حامي حرارة (اليمين) وهاذي أهم خطوة
 لأنه تقلل من الضرر على شعري بعده أستشور شعري وأحط على الأطراف من هذا السيروم لمنع التقصف (يسار)
ريحته حلوه ويخفف من مظهر الشعيرات المتقصفه ويعطي لمعه لطيفه للشعر.
Flat Iron Styling Mist